Дэлхийн форматтай телевизийн нэвтрүүлэг болох “Ододтой бүжиглэе-2” шоуны арьс арчилгаа болон нүүр будалтын бүтээгдэхүүний албан ёсны хамтрагчаар Монголын гоо сайхны брэнд Beute God сонгогдсон тухай бид баяртайгаар мэдээлж байна.

Энэхүү нэр хүндтэй хамтын ажиллагаа нь дараах гурван чухал үндэслэл дээр тулгуурласан юм:

1. Дэлхийн стандартад нийцэх шаардлага

“Ододтой бүжиглэе” бол олон улсад хүлээн зөвшөөрөгдсөн телевизийн шоу бөгөөд нэвтрүүлгийн форматад ашиглагдах тайз засал, техник хэрэгсэл, бүтээгдэхүүнүүд нь дэлхийн жишигт нийцсэн байх ёстой. Beute God брэнд нь ISO 22716:2007 болон GMPC (Good Manufacturing Practice Cosmetic) зэрэг олон улсын гоо сайхны үйлдвэрлэлийн хамгийн том 2 стандартыг хангасан бүтээгдэхүүн үйлдвэрлэдэг тул энэ шаардлагыг бүрэн хангаж чадсан юм.

2. Хөлрөлтөд тэсвэртэй, удаан тогтоцтой нүүр будалт

Бүжгийн шоу учраас оролцогчид өндөр ачаалалтай хөдөлгөөн хийж, хөлс ихээр ялгардаг. Ийм нөхцөлд хэрэглэгдэх нүүр будалтын бүтээгдэхүүнүүд тогтоц сайтай, хөлс болон усанд тэсвэртэй байх нь зайлшгүй. Beute God-ийн суурь бүтээгдэхүүнүүд энэхүү шаардлагад бүрэн нийцэж, нүүр будалтын төгс байдал, удаан тогтвортой байдлыг баталгаатайгаар хангаж чадаж байгаа юм.

3. Арьсанд ээлтэй найрлага, төрөл бүрийн арьсны онцлогт тохиромжтой

Шоу гурван сарын турш үргэлжилдэг бөгөөд оролцогчдын арьсны төрөл, онцлог харилцан адилгүй байдаг. Beute God брэндийн арьс арчилгаа болон нүүр будалтын бүтээгдэхүүнүүд нь арьсанд сөрөг нөлөөгүй, харшил үүсгэх эрсдэл багатай, байгалийн гаралтай найрлагатай тул олон төрлийн арьсанд аюулгүй, найдвартай хэрэглээ болж өгдөг. Энэ нь урт хугацаанд хэрэглэсний дараа ч арьсыг эрүүл, чийглэг байлгах давуу талтай.

Монголын гоо сайхны салбарт “шинэ түүхийг бичигч” Beute God брэнд нь “Ододтой бүжиглэе-2” шоуны арьс арчилгаа болон нүүр будалтын бүтээгдэхүүний албан ёсны хамтрагчаар сонгогдон ажиллаж байна.

Олон улсын стандартад нийцсэн, тогтоц сайтай, арьсанд ээлтэй бүтээгдэхүүнүүдээрээ тус шоуны оролцогчдын гоо сайхныг хариуцан ажиллаж буй нь Beute God-ийн чанар, нэр хүндийн баталгаа юм.

Beute God брэндийн бүтээгдэхүүнүүд нь Номин, Сансар, HomePlaza, Efes, Carrefour супермаркетууд болон Улаанбаатар хотын 9 дүүрэг, 21 аймагт 100+ гэрээт борлуулагчдаар дамжин худалдаалагдаж байна.