Нарны тос түрхэх ёстойг хүн бүр мэддэг ч яг хэзээ, хэрхэн, ямар хэмжээгээр хэрэглэх талаар төдийлөн сайн мэддэггүй. "Нарны тосыг зөвхөн зун түрхэх үү?" , "Бороо орж байхад ч хэрэгтэй юу?" , "Гэртээ байхад ч түрхэх ёстой юу?" гэх мэт асуултууд олон хүний толгойд эргэлдэж байдаг. Тиймээс нарны тосны талаарх хамгийн чухал мэдээллийг хүргэе.

Нарны тосыг яагаад заавал хэрэглэх ёстой вэ?

Хэт ягаан туяа (UV) нь арьсны хөгшрөлт, нөсөө толбо, үрчлээ, тэр ч байтугай арьсны хорт хавдар үүсгэх хамгийн том шалтгаануудын нэг юм. Мөн нарны хэт ягаан туяа нь арьсанд эрт хөгшрөлт, үрчлээ, толбо үүсэхээс гадна эрүүл мэндэд ноцтой аюул учруулж болзошгүй. Иймээс өдөр тутмын арчилгаанд SPF хамгаалалттай нарны тосыг заавал хэрэглээрэй.

Нарны тос нь:

• Арьсны өнгийг жигдрүүлнэ.
• Нөсөө толбо, сэвх, үрчлээ үүсэхээс хамгаална.
• Нарны хэт ягаан туяанаас арьсыг хамгаалж, арьсны хорт хавдраас сэргийлнэ.
• Арьсыг чийгшүүлж, эрүүл харагдуулахад тусална.

SPF гэж юу вэ?

SPF (sun protection factor) бол тухайн нарны тос нь арьсыг хэт ягаан туяанаас хэр удаан хамгаалахыг илэрхийлдэг хэмжигч.

• SPF 30: Нарны 97%-ийг хаана.
• SPF 50: Нарны 98%-ийг хаана.

Эдгээр тоонууд нь арьсаа урт хугацаанд эрүүл байлгахад тусална.

UVA, UVB гэж юу вэ?

Арьсыг гэмтээдэг нарны хэт ягаан туяа нь UVA, UVB гэж хуваагддаг байна.

• UVB: Арьсны өнгөн хэсгийн түлэгдэл үүсгэдэг.
• UVA: Арьсны гүнд нэвчиж, нөсөө толбо, үрчлээ, хорт хавдрын эрсдэлийг нэмэгдүүлдэг.

Нарны тосыг сонгохдоо:

"Broad Spectrum" эсвэл "UVA/UVB Protection тэмдэглэгээг харж сонгоорой.

Нарны тосыг хэзээ түрхэх ёстой вэ?

• Өдөр бүр: Нар гарсан өдөр төдийгүй бороо, үүлтэй үед ч хэт ягаан туяа таны арьсанд нөлөөлж байдаг.
• Өглөө бүр: Нарны тосыг нүүрээ цэвэрлэсний дараа, чийгшүүлэгчийн дараа түрхэнэ.
• Гэртээ байхдаа ч: Шилэн цонхоор дамжин UV туяа арьсанд нөлөөлдөг тул гэртээ ч хамгаалалт хэрэгтэй.
• Дотор ажилладаг ч гэсэн: Хиймэл гэрэл, компьютерийн цэнхэр туяа мөн арьсанд нөлөөлж болзошгүй.
• Спортоор хичээллэх, аялал хийхдээ ч: Нарны тосны хамгаалалтгзй гадаа удаан байвал арьс гэмтэх магадлал өндөр.

Нарны тосыг хэрхэн зөв түрхэх вэ?

Гадагш гарахаас 15-20 минутын өмнө түрхэнэ. 2-3 цаг тутамд давтан түрхэнэ. Биеийн хэсэг бүрт тохиромжтой хэмжээгээр түрхэнэ:

• Нүүрэнд: 2 хуруу хэмжээтэй
• Биеийн хэсэгт: 1 цайны халбага хэмжээтэй. Усанд орсны дараа дахин түрхэх хэрэгтэй.

Арьсандаа тохирсон нарны тос хэрхэн сонгох вэ?

• Хуурай арьсанд: Чийгшүүлэгчтэй, алкохолгүй бүтээгдэхүүн сонго.
• Тослог арьсанд: Хөнгөн бүтэцтэй, гелин суурьтай тос тохиромжтой.
• Эмзэг арьсанд. Цайрын исэл эсвэл титаны давхар исэл агуулсан бүтээгдэхүүн хэрэглэхийг зөвлөе.

Нарны тос нь зөвхөн зуны улиралд хэрэглэх бүтээгдэхүүн биш! Хамгийн гол нь өдөр бүр тогтмол түрхэж, хамгаалалтаа сайтар хийх нь таны арьсыг удаан хугацаанд эрүүл, залуу харагдуулах гол түлхүүр юм. Beute God брэндийн төгс хамгаалалт нарны тосыг хэрэглэж, арьсаа үргэлж хамгаалж байгаарай! 🌞✨