
Батгыг шахах нь түр зуурын шийдэл мэт санагдаж болох ч арьсны гүн давхаргад үрэвсэл үүсгэж, сорви үлдэх эрсдэлийг нэмэгдүүлдэг. Тэгвэл батгыг оролдохгүй орхих нь яагаад чухал вэ?
Батга гарсан үед түүнийг аль болох хурдан арилгах хүсэл төрдөг. Ялангуяа идээтэй, цагаан толгойтой батгыг шахахад доторх бохирдол гадагшилж, арьс цэвэрлэгдэж байгаа мэт санагдана. Гэвч энэ нь арьсны үрэвслийг улам хүндрүүлэх эрсдэлтэй.
Шахах үед арьсны гүнд юу болдог вэ?
Батгыг гараар шахах үед зөвхөн гадаргуу дээрх идээ гадагшлах бус, үүссэн даралтын нөлөөгөөр үрэвслийн агуулга арьсны эргэн тойрны эд рүү тархаж болзошгүй.
Ингэснээр үрэвсэл улам нэмэгдэж, улайлт, хавдар, өвдөлт ихсэхээс гадна эдгэрэх хугацаа уртсах эрсдэлтэй.
Ялангуяа арьсны амьд эд байрладаг дермис давхаргад үрэвсэл хүрсэн тохиолдолд бие махбод тухайн хэсэгт дархлааны хариу урвал үзүүлдэг.
Яагаад батганы дараа сорви үлддэг вэ?
Батганы сорви нь зөвхөн арьсны гадаргуугийн гэмтлээс бус, арьсны гүн давхаргад үүссэн үрэвсэл болон коллагены бүтцийн өөрчлөлттэй холбоотой.
-Коллагены гэмтэл: Гүн үрэвслийн үед арьсны бүтцийг дэмждэг коллагены ширхэгүүд гэмтэж болно.
-Нөхөн төлжилтийн өөрчлөлт: Эдгэрэх явцад коллаген хангалттай нөхөн төлжихгүй бол арьсны гадаргуу хонхойж үлдэж болно.
-Хонхойсон сорви: Арьсны гадаргуу мөсөөр хатгасан мэт жижиг, гүн хонхорхойтой болохыг Ice Pick Scar гэж нэрлэдэг.
Гэхдээ бүх батга сорви үлдээдэггүй. Үрэвслийн гүн, үргэлжилсэн хугацаа болон арьсны нөхөн төлжих онцлогоос шалтгаалан сорвигүй эдгэрэх боломжтой.
Арьсны эмч нар яагаад батгыг оролдохгүй байхыг зөвлөдөг вэ?
Батганы төрөл бүр өөр өөр арчилгаа шаарддаг. Ялангуяа арьсны гүнд байрласан, улайж хөндүүрлэсэн батгыг шахах нь үрэвслийг улам хүндрүүлж болзошгүй.
Харин зарим жижиг, өнгөц батга өөрөө аяндаа намдаж, эдгэрдэг. Иймээс батгыг хүчээр шахах, зүүгээр хатгах, олон дахин оролдохоос зайлсхийх нь чухал.
Батгатай үед анхаарах зүйлс:
-Батгыг гараар шахаж, маажихгүй байх.
-Арьсыг зөөлөн цэвэрлэж, хамгаалалтын давхаргыг нь гэмтээхгүй байх.
-Батганы зориулалтын тохирох арчилгааны бүтээгдэхүүн хэрэглэх.
-Гүн, өвдөлттэй эсвэл дахин дахин үрэвсдэг батганд арьсны эмчээс зөвлөгөө авах.
Батгыг шахах нь тухайн мөчид асуудлыг шийдэж байгаа мэт боловч арьсны гүн давхаргад үрэвсэл нэмэгдэх, эдгэрэлт удаашрах, сорви үлдэх эрсдэлийг дагуулж болно.
Эрүүл арьс гэдэг батгыг хүчээр арилгасан арьс биш, харин зөв арчилж, нөхөн төлжих боломжийг нь дэмжсэн арьс юм.
Bye Pimple батганы наалт сонирхож байва ЭНД дараарай 😉